የኦሮሚያ ፖሊስ ለኢሬቻ በዓል የሚዘጉ መንገዶችን እና የተሽከርካሪ ክልከላዎችን ይፋ አደረገ

የኦሮሚያ ፖሊስ መስከረም 24 ቀን 2019 ዓ.ም በቢሾፍቱ ሆራ ሃርሰዴ ለሚከበረው የኢሬቻ በዓል ተያይዞ የተሽከርካሪ እንቅስቃሴ ገደቦችን አስታውቋል። ማንኛውም የጭነት ተሽከርካሪ ከመስከረም 22 ከቀኑ 10፡00 እስከ መስከረም 24 ከቀኑ 6፡30 ድረስ ወደ አዲስ አበባ በሚገቡ ዋና ዋና መንገዶች ላይ እንቅስቃሴ እንዳያደርጉ ታዘዋል።

በዚህ መሰረት ከየአቅጣጫው የሚመጡ ጭነት መኪኖች በሱሉልታ፣ ለገጠፎ፣ ቡራዩ እና ሰበታ መስመሮች ሳይገቡ በተጠቀሱት የውጭ ከተሞች እንዲቆሙ ተወስኗል። በቢሾፍቱ ከተማ ውስጥ የሚገኙ ባጀጆችና ታክሲዎችም መስከረም 23 ከጠዋቱ 12:00 ጀምሮ አገልግሎት እንዳይሰጡ ታዝዘዋል። መንገደኞችና የሕዝብ ትራንስፖርቶች በተዘጋጁት መቆሚያ ቦታዎች ብቻ እንዲቆሙ ፖሊስ አሳስቧል።