ፖሊስ ኦሮሚያ ንበዓል ኢሬቻ ዝዕጸዉ መንገዲታትን እገዳ ተሽከርከርን ኣፍሊጡ

ፖሊስ ኦሮሚያ ንበዓል ኢሬቻ ሆራ ሃርሰዴ ኣብ ከተማ ቢሾፍቱ ምኽንያት ብምግባር እገዳ ተሽከርከርን ምዕጻው መንገዲታትን ኣፍሊጡ። ካብ 22 መስከረም ድሕሪ ቀትሪ ሰዓት 10:00 ክሳብ 24 መስከረም ቀትሪ ሰዓት 6:30 ዝኾኑ ኩሎም ናይ ጽዕነት ተሽከርከርቲ ናብ ኣዲስ ኣበባ ከይኣትዉ ተኸልኪሎም ኣለዉ።

በዚ መሰረት ካብ ዝተፈላለዩ ኣንፈታት ዝመጹ ናይ ጽዕነት ተሽከርከርቲ ኣብ ከተማታት ሱሉልታ፣ ለገጠፎ፣ ቡራዩን ሰበታን ከይኣተዉ ኣብ ዝተባህሉ ወጻኢ ከተማታት ክጸንሑ ተኣዚዞም ኣለዉ። ኣብ ከተማ ቢሾፍቱ ዝርከቡ ባጃጃትን ታክሲታትን ከኣ ካብ 23 መስከረም ንጉሆ ሰዓት 12:00 ጀሚሩ ስራሕ ከይሰርሑ ተኣዚዞም ኣለዉ። ፖሊስ ናይ ህዝቢ መጓዓዝያን ውልቃዊ ተሽከርከርትን ኣብቲ ንበዓል ተባሂሉ ኣብ ዝተዳለወ መቆሚ ቦታታት ጥራይ ክቆሙ ኣዘኻኺሩ ኣሎ።