የኢትዮጵያ አየር መንገድ ወደ መቐለ በረራ የሚጀምርበት ቀን አልተወሰነም

የኢትዮጵያ አየር መንገድ ከፍተኛ ኃላፊ ለቲክቫህ ኢትዮጵያ እንደገለጹት፣ ወደ መቐለ የሚደረጉ በረራዎች ዳግም የሚጀመሩበት ቀን እስካሁን አልተወሰነም። በአየር መንገዱ ኦንላይን ሲስተም በጥቅምት 15 የሚታየው በረራ ቀደም ብሎ በሲስተም የተያዘ እንጂ በረራው ይጀመራል ማለት አለመሆኑን ተገልጿል። የአየር መንገዱ የበረራ መርሃ-ግብር ማውጣት ያልቻለው የአውሮፕላን ማረፊያው በአየር መንገዱ ቁጥጥር ስር ባለመሆኑና በአካባቢው ለመስራት ባለመቻሉ ነው። አየር መንገዱ ቢያንስ እስከ ጥቅምት 21 ድረስ ምንም አይነት በረራ እንደማይኖር ገልጿል። ይሁን እንጂ ምቹ የሥራ ሁኔታዎች ከተፈጠሩ በረራዎችን በ24 ሰዓት ውስጥ በድጋሚ ለማስጀመር ዝግጁ መሆናቸውን አስታውቀዋል። አየር መንገዱ ወደ መቐለ፣ አክሱም እና ሽሬ የሚያደርገውን በረራ ከመስከረም 13 ጀምሮ ማቋረጡ ይታወሳል።