ኢትዮጵያን አየር መንገድ ናብ መቐለ በረራ ዝጅምረሉ ዕለት ኣይወሰነን

ላዕለዋይ ሓላፊ ኢትዮጵያን አየር መንገድ ንቲክቫህ ኢትዮጵያ ከምዝገለጽዎ፡ ናብ መቐለ ዝግበር በረራ ዝጅምረሉ ዕለት ገና ከምዘይተወሰነ ተገሊጹ። ኣብ ኦንላይን ሲስተም ናይቲ ኣየር መንገድ ጥቅምቲ 15 ተባሂሉ ዝርአ ዘሎ በረራ፡ ቅድሚ ሕጂ ዝተታሕዘ እምበር በረራ ክጅምር እዩ ማለት ከምዘይኮነ ተነጺሩ። ኣየር መንገድ መደብ በረራ ከውጽእ ዘይከኣለሉ ምኽንያት፡ መዕርፎ ነፈርቲ ኣብ ትሕቲ ቁጽጽር ኣየር መንገድ ብዘይምህላዉን ኣብቲ ከባቢ ንምስራሕ ስለዘይተኽኣለን እዩ። ኣየር መንገድ ክሳብ ጥቅምቲ 21 ዝኾነ ይኹን በረራ ከምዘየለ ገሊጹ። ይኹን እምበር፡ ምቹእ ናይ ስራሕ ኩነታት እንተተፈጢሩ ኣብ ውሽጢ 24 ሰዓት በረራ ንምጅማር ድሉው ከምዝኾነ ኣፍሊጡ። እቲ ኣየር መንገድ ናብ መቐለ፡ ኣክሱምን ሽረን ዝገብሮ ዝነበረ በረራ ካብ መስከረም 13 ከምዘቋረጸ ይዝከር።