Baankiin Oromiyaa Gamoo Abbaa Darbi 11 Magaalaa Sheggeri Kutaa Magaalaa Galaanitti Eebsiise

Baankiin Oromiyaa gamoo abbaa darbi 11 tajaajila makootiif oolu kan Wiirtuu Caalmayaa fi Konvenshinii isaanii kan Kutaa Magaalaa Galaan Magaalaa Sheggeritti argamu keessatti ijaarsise sirna oo'aan eebsiiseera. Sirna eebbaa kana irratti qondaaltotni mootummaa ol'aanoon, abbootiin qabeenyaa baankichaa, qooda fudhattoonni fi keessummoonni affeeraman argamaniiru. Hogganaan Raawwachiisaa Baankichaa Obbo Taffarii Makonnin baankichi waggoota 17f uummata tajaajilaa turuu fi faayidaa uummataatiif invesitiimantii gochaa jiraachuu ibsaniiru. Kantiibaan Magaalaa Shegger Dooktor Tashoomaa Adunnyaa fi bulchiinsi magaalaa Galaans ijaarsa kanaaf lafa dhiyeessuu isaaniitiif galateeffatamaniiru. Walitti qabaan Boordii Baankichaa Dooktor Asaffaa Sammaa baankichi tajaajila faayinaansii bal'isuu bira darbee manneen barnootaa fi bu'uuraalee misoomaa ijaaraa jiraachuu dubbataniiru. Keessummaan kabajaa Pirezidaantiin Majliisa Waliigalaa Dhimmoota Islaamummaa Itoophiyaa Dooktor Sheek Haajj Ibraahim Tuufaa Baankiin Oromiyaa tajaajila baankii dhala irraa bilisaa seensisuun uummata Muslimaatiif fayyadamummaa mirkaneessuu dhiyeessaniiru. Kantiibaan Magaalaa Shegger Dooktor Tashoomaa Adunnyaa gamoori kun carraa daldalaa uumuun ala misooma 'Smart City' magaalattii utubuu ibsaniiru.