የማቲዎስ ወንዱ ፋውንዴሽን መስራች አቶ ወንዱ በቀለ ከዚህ ዓለም በሞት ተለዩ

የማቲዎስ ወንዱ ፋውንዴሽን መስራችና ዋና ሥራ አስፈፃሚ አቶ ወንዱ በቀለ በ72 ዓመታቸው ከዚህ ዓለም በሞት ተለዩ። ለረጅም ጊዜ በጉበት ካንሰር ህመም ሲሰቃዩ የነበሩት አቶ ወንዱ፣ መስከረም 24 ቀን 2019 ዓ/ም ህክምናቸውን ሲከታተሉ ቆይተው በድንገት ከዚህ ዓለም በሞት ተለይተዋል። አቶ ወንዱ በቀለ የልጃቸውን ማቲዎስ ወንዱን በደም ካንሰር ማጣታቸውን ተከትሎ፣ ሌሎች ህሙማንን ለመታደግ ከ22 ዓመታት በፊት "ማቲዎስ ወንዱ የኢትዮጵያ ካንሰር ሶሳይቲ" የተሰኘውን ተቋም መስርተው በሺዎች የሚቆጠሩ ሰዎችን ሲያገለግሉ ቆይተዋል። የቀብር ሥነ-ሥርዓታቸው መስከረም 25 ቀን 2019 ዓ/ም በቦሌ ደብረ ምህረት ቅዱስ ሚካኤል ቤተክርስቲያን እንደሚፈጸም ቤተሰቦቻቸውና ፋውንዴሽኑ ገልጸዋል።