Kooriyaa Kibbaa 'AI'tiin Super Power Addunyaa Ta'uuf Doolara Biliyoona 900 Baasuufi

Kooriyaa Kibbaa teeknoolojii Nam-tolchee (AI) irratti biyyoota gurguddoo akkasaanii Ameerikaa fi Chaayinaa waliin dorgomuudhaan super power addunyaa ta'uuf tarkaanfii guddaa fudhachuu eegalteetti. Biyyattiin kaayyoo kanaaf doolara biliyoona 900 dhihaatu ramadaa akka jirtu Al Jazeeraan gabaaseera. Baajata kana ramaduun immoo teeknoolojicha guddisuuf qofa osoo hin taane, gabaa addunyaa fuulduraa to'achuuf karoora tarsiimawaa yeroo dheeraa qophaayeera. Kooriyaan Kibbaa ogeeyyii biyya alaa irratti hirkachuu mannaa ogeeyyii biyya keessaa gahumsa qaban horachuuf sirna barnootaa irratti jijjiirama gochaa jirti. Kana milkeessuufis barattoonni sadarkaa tokkoffaa umurii maallaqaa isaaniitiin jalqabanii barnoota roobootiksii fi koodingii akka baratan taasifamaa jira. Tarkaanfiin Kooriyaa Kibbaa kun teeknoolojiin ol'aantummaa ishee mirkaneessuu bira darbee biyyoota biroofis fakkeenya gaarii ta'uu danda'a.