ደቡብ ኮሪያ ብ AI ቴክኖሎጂ ናይ ዓለም ሱፐር ፓወር ንምኻን 900 ቢሊዮን ዶላር ክትወፅእ እያ

ደቡብ ኮሪያ ብሰብ ሰራሕ ኣእምሮ (AI) ቴክኖሎጂ ምስ ዓበይቲ ሃገራት ከም ኣሜሪካን ቻይናን ተሰሊፋ ንምውዳደርን ናይ ዓለም ሱፐር ፓወር ንምኻን ልዕሊ 900 ቢሊዮን ዶላር ዝግመት ገንዘብ ትመድብ ምህላዋ ኣልጀዚራ ገሊጹ። እዚ ዝመደበቶ ገንዘብ ንቴክኖሎጂ ዕቤት ጥራይ ዘይኮነስ ንመጻኢ ናይ ዓለም ዕዳጋ ንምቁጣጣር እተለመ ናይ ነዊሕ እዋን ስትራቴጂካዊ ውልቀ-መደብ እዩ። ደቡብ ኮሪያ ኣብ ናይ ደገ ሃገራት ክኢላታት ካብ ምጽጋዕ ንላዕሊ ናይ ባዕላ ናይ ውሽጢ ሃገር ብቑዓት ክኢላታት ንምፍራይ ናይ ትምህርቲ ስርዓት ለውጢ ተካይድ ኣላ። ነዚ ንምስካሕ ድማ ገና ንኡሳን ዝኾኑ ናይ መጀመርታ ደረጃ ተማሃሮ ካብ ጅማሮም ብሮቦቲክስን (Robotics) ብኮዲንግን (Coding) ትምህርቲ ከምዝስልጥኑ ይገበር ኣሎ። እዚ ናይ ደቡብ ኮሪያ ስጉምቲ ኣብ ዓለም ቴክኖሎጂ ዘለዋ ላዕለዋይነት ዘረጋግፅ ጥራይ ዘይኮነስ ንኻልኦት ሃገራት እውን ኣብ ናይ መጻኢ ትውልዲ ምህናፅ መስርሕ ዓብዪ ኣርኣያ ክሆን ይኽእል እዩ።