የውጭ ጉዳይ ሚኒስቴር በቀይ ባሕር እና በዓባይ ወንዝ ዙሪያ መግለጫ ሰጠ

የኢትዮጵያ ውጭ ጉዳይ ሚኒስቴር ግብፅ በቅርቡ ከጎረቤት ሀገራት ጋር ባወጣችው መግለጫ ምላሽ ሰጥቷል። ሚኒስቴሩ ኢትዮጵያ የዓባይ ወንዝ 85 በመቶ አስተዋጽኦ የምታደርግ መሆኗን በማስታወስ፣ ማናቸውም ድርድር ይህንን እውነታ ሊያገናዘብ እንደሚገባ አሳስቧል። እንዲሁም ኢትዮጵያ ከቀይ ባሕር ጋር ያላት ታሪካዊና ጂኦግራፊያዊ ትስስር ዛሬም የጸና መሆኑን በመጥቀስ፣ ከባሕር ዳርቻው በ48 ኪሎ ሜትር ርቀት ላይ እንደምትገኝ አስታውቋል። ሚኒስቴሩ በክልሉ የሚደረጉ የደህንነት ውይይቶች የኢትዮጵያን ሕጋዊ ጥቅሞች ማካተት እንዳለባቸው አሳስቧል። የፖለቲካ ዲስኩሮች ወይም የሌሎች አካላት ድርጊቶች ይህንን እውነታ ሊቀይሩት እንደማይችሉ በማስገንዘብ፣ ኢትዮጵያ በሰላማዊ ግንኙነት እና በጋራ መከባበር መርህ እንደምትጸና ገልጿል።