ጠ/ሚ ዐቢይ አሕመድ የባህር በርና የመከላከያ አቅም ግንባታን አስመልክቶ ንግግር አድርገዋል

ጠቅላይ ሚኒስትር ዐቢይ አሕመድ በህዝብ ተወካዮች ም/ቤት ለቀጣይ አምስት ዓመታት ከተሾሙ በኋላ ባደረጉት ንግግር የኢትዮጵያን ስትራቴጂካዊ ፍላጎቶች ይፋ አድርገዋል። ጠቅላይ ሚኒስትሩ ኢትዮጵያ ያለ ባህር በር ስልጣኔዋን እውን ማድረግ እንደማትችል ጠቅሰው፣ በሰጥቶ መቀበል መርህ የባህር በር ለማግኘት ተግተው እንደሚሰሩ አስታውቀዋል። በተመሳሳይ ከጎረቤት ሀገራት ጋር በጋራ ጥቅም ላይ የተመሰረተ ሰላማዊ ግንኙነትን እንደሚቀጥሉ አረጋግጠዋል።

ከዚህ በተጨማሪም የመከላከያ ኃይልን ዘመናዊና ብቁ ለማድረግ እንደሚሰሩ ገልጸዋል። በተለይም በቀጣናው የአየር የበላይነትን ለመፍጠር የሚያስችል አቅም እንደሚገነቡና ችግሮችን አስቀድሞ መከላከልና ማሸነፍ የሚችል የጦር ኃይል እንደሚመሰረት ጠቅላይ ሚኒስትሩ ተናግረዋል።