ቀዳማይ ሚኒስትር ኣብይ ኣሕመድ ብዛዕባ ኣድላይነት መውጽኢ ባሕርን ምድላው ሰራዊትን ኣመልኪቶም መደረ ኣቕሪቦም

ቀዳማይ ሚኒስትር ኣብይ ኣሕመድ ኣብ ባይቶ ወከልቲ ህዝቢ ንቐጻሊ ሓሙሽተ ዓመት ድሕሪ ምውዳቦም ኣብ ዝገበርዎ መደረ፡ ንስትራተጂካዊ ረብሓታት ኢትዮጵያ ኣገንዚቦም ኣለዉ። እቶም ቀዳማይ ሚኒስትር፡ ኢትዮጵያ መውጽኢ ባሕሪ እንተዘይብላ ስልጣነኣ ከረጋግጽ ከምዘይትኽእል ብምሕባር፡ ብረቂቕ 'ምሃሃብን ምቕባልን' መውጽኢ ባሕሪ ንምርካብ ብትግሃት ከምዝሰርሑ ኣፍሊጦም። ምስ ጎረባብቲ ሃገራት ድማ ኣብ ረብሓ ዝተመርኮሰ ሰላማዊ ዝምድና ከምዝቕጽሉ ኣረጋጊጾም።

ብተወሳኺ፡ ሰራዊት ምክልኻል ዘመናዊን ብቑዕን ንምግባር ከምዝሰርሑ ገሊጾም። ብፍላይ ኣብቲ ዞባ ናይ ኣየር ልዕልና ንምፍጣር ዘኽእል ዓቕሚ ከምዝሃንጹን፡ ጸገማት ብቕድሚት ብምፍላጥ ንምክልኻልን ንምስዓርን ዝኽእል ሰራዊት ንምፍጣር ከምዝሰርሑ እቶም ቀዳማይ ሚኒስትር ተዛሪቦም ኣለዉ።