Hospitaalli Otona ibidda booda tajaajila addaan citeen dhukkubsattoonni rakkachaa jiru

Hospitaalli Otona waggaa tokko dura ibiddaan miidhame sun hanga amma otoo hin haaromsamin waan tureef, dhukkubsattoonni rakkina guddaa keessa jiraachuu jiraattoonni fi ogeeyyonni fayyaa ibsaniiru. Sababa ibiddichaan kutaan qorannoo hedduun cufamanii waan turaniif, dhukkubsattoonni magaalaalee biroo fi dhaabbilee dhuunfaatti deemuu dirqamaniiru. Ogeeyyonni fayyaa akka jedhanitti, haaromsa hospitaalichaa dhaabbilee federaalaa fi naannoo irraa deeggarsi godhamus, ijaarsi hanga amma otoo hin eegalin turuun isaa gadda kan uume dha. Amma ijaarsa ibiddaan miidhame qulqulleessuun kan jalqabame ta'us, tajaajilli guutummaatti deebi'uu dhabuun isaa dandeettii hospitaalichaa gadi buusee jira. Tikvah Itiyoophiyaan waa'ee kanaa irratti Yuunivarsiitii Wolaayitaa Sodoo fi Biiroo Fayyaa Naannoo Itoophiyaa Kibbaa irraa ibsa argachuuf yaalii gootees, jijjiirraa hogganootaa mudateen walqabatee milkaa'uu hin dandeenye.