የእስራኤል ውጭ ጉዳይ ሚኒስትር ከኢትዮጵያ አቻቸው ጋር ተወያዩ

የእስራኤል የውጭ ጉዳይ ሚኒስትር ጌድዮን ሳር ከኢትዮጵያ የውጭ ጉዳይ ሚኒስትር ጌድዮን ጢሞቲዮስ ጋር በሁለትዮሽ ግንኙነት እና በቀጠናዊ ጉዳዮች ዙሪያ ውይይት አድርገዋል። ሚኒስትሮቹ የኢትዮጵያን አንድነትና ሰላም መጠበቅ ለቀጠናው መረጋጋት ያለውን ፋይዳ የተወያዩ ሲሆን፣ እስራኤል ከኢትዮጵያ ጋር ያላትን የረጅም ጊዜ ወዳጅነት እንደምታከብርና ግንኙነቱን ለማጠናከር ዝግጁ መሆኗን ገልጸዋል። ይህ ውይይት የተካሄደው ግብፅ ከኤርትራ፣ ሶማሊያ እና ሱዳን መሪዎች ጋር በካይሮ ጉባኤ ካደረገች ከሁለት ቀናት በኋላ ነው። እስራኤል ለኢትዮጵያ ያላት ድጋፍ በተለይም የባህር በር ለማግኘት የምታደርገውን ጥረት በመደገፍ ረገድ ጎልቶ የሚታይ ነው።