Ministirri Dhimma Alaa Israa'el ministira dhimma alaa Itoophiyaa waliin mari'atan

Ministirri Dhimma Alaa Israa'el Giid'on Saar ministira dhimma alaa Itoophiyaa Giid'on Ximoootiyoos waliin walitti dhufeenya biyyoota lamaanii fi tasgabbii naannichaa irratti mari'ataniiru. Ministiroonni kun tokkummaa fi nageenya Itoophiyaa eeguun tasgabbii gaanfa Afrikaaf barbaachisaa ta'uu irratti kan mari'atan yoo ta'u, Israa'el michummaa Itoophiyaa waliin qabduu fi walitti dhufeenya caalaatti cimsuuf qophiidha jedhaniiru. Mariin kun guyyaa lama booda Masriin biyyoota akka Eertraa, Somaaliyaa fi Sudaan waliin magaalaa Kaayirootti marii gaggeessite booda kan taasifameedha. Israa'el Itoophiyaaf deeggarsa guddaa kan gootu yoo ta'u, keessattuu yaalii Itoophiyaan karaa galaanaa argachuuf gootu kan deeggartu biyya ta'uu ishee beekamaadha.