Keeniyaa keessatti dhukkubsataan Eebolaa inni jalqabaa du'uu beekame; Itoophiyaan to'annoo daangaa jabeessite

Ministeerri Fayyaa Keeniyaa namni dhukkuba Vaayiraasii Eebolaa (gosa Buundibuugiyoo) kanaan qabame inni jalqabaa du'uu beeksiseera. Namni du'e kun raayyaa lammii Keeniyaa kan waggoota torban darban Rippabliki Demokrataawaa Koongoo (DRC) keessa jiraachaa ture yoo ta'u, karaa lafaan Yaugandaa Magaalaa Kampaalaa erga ga'ee booda, Onkoloolessa 3, 2026 xiyyaaraan Buufata Xiyyaaraa Idil-addunyaa Joomo Keeniyaattaa Naayiroobii ga'e. Hospitaala keessatti adda baafamee yaalamaa kan ture yoo ta'u, qorannoo laboraatorii NVRL fi KEMRI tiin vaayiraasichain qabamuun isaa mirkanaa'ee du'eera. Waajjirri fayyaa Keeniyaa miseensota maatii, ogeessota fayyaa fi imaltoota dhukkubsataa kana waliin tuttuqqii qaban adda baasee heera adda baasee tursiisaa jira. Gama biraatiin, Ministirri Fayyaa Itoophiyaa Dr. Makdas Daabaa akka ibsanitti, buufataaleen xiyyaaraa fi daangaa lafaa Itoophiyaa hundi sakatta'iinsa fi eegumsa cimaa gochaa jiru. Dhaabbanni Fayyaa Addunyaa (WHO) akeekkachiisa erga baasee fi bieyyonni dhibee kana beeksisan booda imaltoota biyyoota kaniin irraa dhufan irratti to'annoon cimaan taasifamaa jira.