ጠ/ሚ ዐቢይ አሕመድ ስለ ሚኒስትሮች የቅርብ ጊዜ ሹም ሽር ማብራሪያ ሰጡ

ጠቅላይ ሚኒስትር ዐቢይ አሕመድ በቅርቡ የተካሄደው የካቢኔ ሹም ሽር የረጅም ጊዜ ክትትል ውጤት መሆኑን አስታውቀዋል። ሚኒስትሮች እና ሚኒስትር ዴኤታዎች ቢያንስ ለአንድ ዓመት በኢንተለጀንስ አካላት ሲጠኑ እንደነበር ጠቅሰው፣ ክትትሉ ከቤተሰቦቻቸው እስከ የቅርብ ግንኙነታቸው ድረስ መድረሱን ገልጸዋል። በሙስና እና በአሰራር ጉድለት የተጠረጠሩ ወይም ያልተጠረጠሩ ግለሰቦች መከላከያቸውን እንዲያቀርቡ ተደርጓል። ጠቅላይ ሚኒስትሩ አያይዘውም፣ የሚኒስትሮች ስልጠና እና የስራ ግምገማ ጥብቅ እንደነበርና ወደፊትም የከባድ ስራ ጊዜ እንደሚጠብቃቸው አስረድተዋል።