Itoophiyaan yakka weeraraa Eertiraan irratti raawwataa jirtu ilaalchisee gabaasa dhiyeessite

Ministirri Dhimma Alaa Itoophiyaa Doktar Geediyoon Ximootiwoos magaalaa Finfinneetti gargaartuu dura taa'aa gamtaa mootummoota gamtoomanii Aminaa Jeen Muhammadii waliin mari'ataniiru. Ministirichi marii isaaniitiin, Eertiraan Itoophiyaa irratti gocha diinummaa raawwataa jirtu fi kun nagaa naannichaa irratti balaa akkamii fiduu akka danda'u ibsa bal'aa kennaniiru.

Doktar Geediyoon Dhaabbata Mootummoota Gamtoomaniif dhimma kana irratti akkaataa ifa ta'e akka qabatuufi deebii ariifachiisaa akka kennuuf gaafataniiru. Kana malees, waraanni Eertiraa daangaa Itoophiyaa keessaa akka ba'u akeekkachiisaniiru. Itoophiyaan seera idil-addunyaa irratti hundaa'uun aangoo fi qe'ee ishee tikfachuu fi kabachiisuuf mirga seeraqabeessa akka qabdu mirkaneessaniiru.