ኢትዮጵያ ኣብ ልዕሊ ኤርትራ ዘቅረበቶ ክሲ ጽልኢን ምብጻሕ ምክትል ዋና ጸሓፊ ውድብ ሕቡራት ሃገራትን

ሚኒስትር ጉዳያት ወፃኢ ኢትዮጵያ ዶክተር ጌዲዮን ጢሞቴዎስ ኣብ ኣዲስ ኣበባ ምስ ምክትል ዋና ጸሓፊ ውድብ ሕቡራት ሃገራት ኣሚና ጄን ሙሃመድ ተዛቲዮም። እቲ ሚኒስትር ኣብቲ ዘተ፡ ኤርትራ ኣብ ልዕሊ ኢትዮጵያ ትፍጽሞ ዘላ እትብልዎ ተግባር ጽልኢን እቲ ብሰንኩ ኣብቲ ዞባ ክኽሰት ዝኽእል ስግኣት ጸጥታን ብዕምቆት ገሊጾም።

ዶክተር ጌዲዮን ውድብ ሕቡራት ሃገራት ኣብዚ ጉዳይ እዚ ንጹርን መሰረታዊ መትከል ዘለዎን መርገጺ ብምሓዝ ቀልጢፉ መልሲ ክህበሉ ከም ዘለዎ ኣተሓሳሲቦም። ብተወሳኺ፡ ሰራዊት ኤርትራ ካብ መሬት ኢትዮጵያ ብቕልጡፍ ክወጽኡ ኣጠንቂቖም። ኢትዮጵያ ኣብ ሕጊ ዓለም መሰረት ብምግባር ልዑላውነታን ዶባታን ናይ ምክልኻል ሕጋዊ መሰል ከም ዘለዋ እቲ ሚኒስትር ኣረጋጊጾም።