ኢትዮጵያ ኤርትራ ወረራ እንደፈጸመች ለተመድ አሳወቀች

የውጭ ጉዳይ ሚኒስትር ጌዲዮን ጤሞቲዮስ (ዶ/ር) ኤርትራ ድንበር ጥሳ በመግባት የኢትዮጵያን ሉዓላዊነት እንደጣሰች ለተባበሩት መንግሥታት ድርጅት የፀጥታው ምክር ቤት በደብዳቤ አሳውቀዋል። ሚኒስትሩ የኤርትራ ሠራዊት ሜካናይዝድ ክፍሎችን በመጠቀም ወደ ኢትዮጵያ ግዛት ከ30 እስከ 60 ኪሎ ሜትር ዘልቆ በመግባት ሶስት የትግራይ ዞኖችን መያዙን ገልጸዋል። ይህ ድርጊት የተባበሩት መንግሥታት ቻርተርን የሚጥስ በመሆኑ ኢትዮጵያ ራሷን ከመከላከል ውጪ ሌላ አማራጭ የላትም ብለዋል።

ጌዲዮን (ዶ/ር) ኢትዮጵያ ለረዥም ጊዜ በትዕግሥት ብትቆይም አሁን ግን ሁኔታው የግድ መከላከልን እንደሚጠይቅ ጠቁመዋል። ምክር ቤቱ ሁለቱን አገራት በእኩል ሚዛን ሊያይ እንደማይገባ አሳስበው፣ ኤርትራ ወራሪ መሆኗንና ኢትዮጵያ የሉዓላዊነቷን ክብር ለማስጠበቅ እርምጃ እንደምትወስድ አስታውቀዋል።