የአዲስ ዌስት ማከፋፈያ ጣቢያ ትራንስፎርመር ወደ ስፍራው ደረሰ

የኢትዮጵያ ኤሌክትሪክ ኃይል የአዲስ ዌስት ማከፋፈያ ጣቢያን ችግር ለመፍታት ከአርባምንጭ የተላከው ትራንስፎርመር አዲስ አበባ መድረሱን አስታውቋል። በቢሾፍቱ በኩል ሲጓጓዝ የነበረው ትራንስፎርመሩ በመንገድ ላይ ከቆየ በኋላ በዛሬው ዕለት ወደ ኮልፌ አካባቢ መድረሱ ተገልጿል። ለ15 ቀናት ያህል መብራት ተቋርጦባቸው ለነበሩ አካባቢዎች የኤሌክትሪክ አቅርቦትን ለመመለስ ተተኪው ትራንስፎርመር የመገጣጠም ሥራዎች ወዲያውኑ ይጀምራሉ። ከቀኑ 8፡30 ሰዓት ላይ ትራንስፎርመሩ መድረሻው መድረሱ ተረጋግጧል። በአካባቢው የነበረው የኤሌክትሪክ መቆራረጥ በቅርቡ መፍትሄ ያገኛል ተብሎ ይጠበቃል።