የፌዴራል ፖሊስ ወደ መቐለ ገብቶ ስራ ጀመረ

የኢትዮጵያ ፌዴራል ፖሊስ ወደ መቐለ ከተማ በመግባት የሰላምና የጸጥታ ማስከበር ስራዎችን መጀመሩ ተሰማ። ፖሊሱ ነዋሪዎች የከተማዋን ሰላም እና መረጋጋት ለማስጠበቅ ከሚቋቋመው አዲስ አስተዳደር ጋር እንዲተባበሩ ጥሪ አቅርቧል። በአሁኑ ወቅት የፌዴራል ፖሊስ አባላት የአውሮፕላን ማረፊያን ጨምሮ ዋና ዋና የመንግስት ተቋማትን በመጠበቅ ላይ ይገኛሉ።

በሌላ በኩል፣ የከተማዋ የትራፊክ ፖሊስ አባላት ወደ ስራ የተመለሱ ሲሆን ሌሎች የመንግስት ቢሮዎችም ከሰኞ ጀምሮ እንዲሰሩ ጥሪ ቀርቧል። አሶሼትድ ፕሬስ እና ዶቼ ቨለ እንደዘገቡት መቐለ አዲስ አስተዳደር እየጠበቀች ትገኛለች። የፌዴራል ፖሊስ እና የትግራይ የሰላም ሃይል በከተማዋ የጋራ የጸጥታ ጥበቃ እያደረጉ ነው።