Poolisiin Federaalaa gara Maqaleetti galuun hojii eegale

Poolisiin Federaalaa Itoophiyaa gara magaalaa Maqaleetti galuun hojii nageenyaa fi tasgabbii eegaluun isaa ibsameera. Poolisiin kun jiraattonni magaaltichaa nagaa fi tasgabbii deebisuuf mootummaa haaraa hundaa'u waliin akka tumsan gaafateera. Yeroo ammaa miseensonni poolisii federaalaa buufata xiyyaaraa dabalatee dhaabbilee mootummaa gurguddoo eegaa jiru.

Gam biraan, poolisiin tiraafikaa magaaltichaa gara hojiitti deebi'aniiru; biirooleen mootummaa kan biroos Wiixata irraa eegalee hojiitti akka deebi'an waamichi dhiyaateera. Akka gabaasa Asoshiyeeted Pireesii fi Doochee Veellee, Maqaleen bulchiinsa haaraa eeggachaa jirti. Poolisiin Federaalaa fi humnoonni nagaa Tigraay magaaltichatti eegumsa nageenyaa waliin hojjechaa jiru.