የብሔራዊ የውድ ማዕድናት ማጣሪያ ፋብሪካ በይፋ ሥራ ጀመረ

በቦሌ ለሚ ልዩ የኢኮኖሚ ቀጣና የተገነባው ብሔራዊ የውድ ማዕድናት ማጣሪያ ፋብሪካ በይፋ ሥራ መጀመሩ ተገለጸ። ፋብሪካው በኢትዮጵያ ኢንቨስትመንት ሆልዲንግስ እና በሳም ፕሬሺየስ ሜታልስ አጋርነት የተቋቋመ ነው። ጠቅላይ ሚኒስትር ዐቢይ አሕመድ በምረቃው ላይ እንደተናገሩት፣ ተቋሙ ኢትዮጵያን ብቻ ሳይሆን የምሥራቅ አፍሪካን እና የአህጉሪቱን ገበያ የማገልገል አቅም አለው። ይህም ጎረቤት ሀገራት ወርቃቸውን ከአህጉሪቱ ውጭ መላክ ሳያስፈልጋቸው ለተጨማሪ እሴትና ለሽያጭ ወደ ኢትዮጵያ እንዲያመጡ ያስችላቸዋል። ፋብሪካው ዓለም አቀፍ ተዓማኒነት ያለው የማጣራትና የፍተሻ አገልግሎት በመስጠት ረገድ ትልቅ ሚና እንደሚኖረው ተጠቁሟል።