Aanaalee Wag Khamraa Sahala Seyemititti honniyyuun rakkoo beelaa cimaa uumee jira

Qilleensaa fi jijjiiramni qilleensaa El Niño jedhamuun walqabatee, aanaa Wag Khamraa Sahala Seyemititti honniyyuun cimaan uumamee jira. Qonnaan bultoonni midhaan akka xaafii, misingaa fi dagusaa facaafatan goguun isaa rakkoo beelaa cimaa uumee jira. Hanqinni bishaan dhugaatii namootaa fi beelladootaa irratti dhiibbaa geessisaa jiru keessattuu dubartoota ulfaa, harma hoosisoo, daa'immanii fi maanguddoota miidhaa fayyaaf saaxilee jira. Qonnaan bultoonni midhaan nyaataaf ta'u dhabuusaaniin alatti, sanyii facaasaa fi nyaata beelladootaa dhabuun rakkoo keessa jiru. Hawaasni naannichaa gargaarsa nyaataa hatattamaa, akkasumas deeggarsa sanyii fi nyaata beelladootaa akka taasifamuuf waamicha dhiyeessanii jiru.