Biiroon Galii Bulchiinsa Magaalaa Finfinnee gibira kan hin kaffalle irratti tarkaanfii fudhachuu eegale

Biiroon Galii Bulchiinsa Magaalaa Finfinnee gibira kaffaltoota galmee herregaa fi ibsa qopheessuu didan irratti tarkaanfii cimaa fudhachuu eegale. Biiroon kun akka ibsetti, kaffaltoonni gibiraa sadarkaa 'A' fi 'B' ta'an seera federaalaatiin galmee herregaa qabaachuun dirqama isaanii akka ta'e yaadachiiseera.

Namoonni seera kana cabsan gibira dhoksuuf yaalii godhan jedhamee waan fudhatamuuf, tarkaanfiin seeraa fi bulchiinsaa irratti ni fudhatama. Adabbiin kunis herreega bu'aa kaffaltichaa dachaan akka herreegamu gochuu, hir'ina gibiraa irratti %40 fi gibira bu'uuraa irratti %200 adabbii maallaqaa dabaluu kan dabalatu ta'a. Kaffaltoonni seera cabsan hundi galmeeffamanii gara kutaa seera kabachiisuutti akka dabarfaman ibsameera.