ጌታቸው ረዳና ከፍተኛ የመንግስት ባለስልጣናት መቐለ ገቡ

ከአዲስ አበባ ወደ መቐለ ተቋርጦ የነበረው የኢትዮጵያ አየር መንገድ በረራ ዳግም የተጀመረ ሲሆን፣ በመጀመሪያው በረራ ከፍተኛ የመንግስት ባለስልጣናት እና የትግራይ የሰላም ኃይል አመራሮች ወደ መቐለ አቅንተዋል። ከተሳፋሪዎቹ መካከል የቀድሞው የትግራይ ጊዜያዊ አስተዳደር ፕሬዚዳንት አቶ ጌታቸው ረዳ፣ ዶ/ር አብርሃም በላይ፣ አምባሳደር ሬድዋን ሁሴን እንዲሁም የትግራይ የሰላም ኃይል አዛዦች ይገኙበታል። አቶ ጌታቸው ረዳ ከኃላፊነታቸው ከተነሱ ከ19 ወራት በኋላ ለመጀመሪያ ጊዜ ወደ መቐለ የተመለሱ ሲሆን፣ በአሉላ አባነጋ አውሮፕላን ማረፊያ በወጣቶች አቀባበል ተደርጎላቸዋል። የልዑክ ቡድኑ በቆይታው ከኤርትራ ድንበር በቅርብ ርቀት ላይ ወደምትገኘው ዓዲግራት ከተማ አምርቶ ከነዋሪዎች ጋር ይወያያል ተብሎ ይጠበቃል።