Bulchiinsi Magaalaa Finfinnee qulqullina aannanii mirkaneessuuf seera haaraa qopheesse

Komishiniin Qonna Magaalaa fi Qonnaan Bulaa Finfinnee aannan gurguramu irratti rakkoo fayyaa mudatu to'achuuf seera haaraa akka qopheesse beeksise. Seerichi haala itti fayyadama qodaa aannanii, qulqullina, fi gurgurtaan aannanii itti raawwatamu irratti to'annoo cimaa kan taasisu yoo ta'u, akkaataa seera cabsuun adabbii maallaqaa fi hidhaa kan qabu ta'uu ibsameera. Komishinichi ammaa jalqabee suuqonni meeshaalee qulqullina aannanii ittiin sakatta'an akka qabaatan gochuuf hojjechaa jira. Seerichi hanga ammaatti kan hin raggaane ta'us, yeroo ragga'u irraa jalqabee gabaa aannanii keessatti qulqullina eeguuf dirqama ta'a. Komishinichi gara fuulduraatti gurgurtaa aannan duuchaa (raw milk) dhowwatee aannan paastaraayizd ta'e qofa akka gurguramu gochuuf karoora qabaachuu danda'a jedhaniiru.