የኢትዮጵያ ጦር የኤርትራን ድንበር እንዳልጣሰ እማኞች ገለጹ

የኢትዮጵያ መከላከያ ሰራዊት ከኤሊዳር እና ቡሬ ከተሞች አልፎ የኤርትራን ድንበር እንዳልገባ የአይን ምስክሮች ገለጹ። ይህ ዘገባ የተሰራጨው በማህበራዊ ሚዲያዎች "የኢትዮጵያ ወታደሮች የኤርትራን ድንበር አልፈው ደባይ ሴማ የተባለች መንደርን ተቆጣጠሩ" በሚል ሲሰራጭ በነበረው ወሬ ዙሪያ ነው። ዶቼ ቨለ የሬድዮ ጣቢያ ምንጮቹን ጠቅሶ እንደዘገበው በአካባቢው ከፍተኛ ወታደራዊ እንቅስቃሴ ቢኖርም እስካሁን ምንም አይነት ግጭት አልተፈጠረም። የቡሬ ግንባር በ1991 ዓ.ም በኢትዮ-ኤርትራ ጦርነት ወቅት ከፍተኛ ውጊያ ይካሄድበት ከነበሩ አካባቢዎች አንዱ ነበር።