ሰራዊት ኢትዮጵያ ንዶንቢ ኤርትራ ከምዘይሰገረ መሰኻኽር ገሊጾም

ሰራዊት ምክልኻል ኢትዮጵያ ካብ ከተማታት ኤሊዳርን ቡሬን ሓሊፉ ናብ ደንቢ ኤርትራ ከምዘይሰገረ መሰኻኽር ኣረጋጊጾም። እዚ ጸብጻብ ዝመጸ ድሕሪ እቲ ኣብ ማሕበራዊ ሚዲያታት "ሰራዊት ኢትዮጵያ ደንቢ ኤርትራ ሰጊሮም ደባይ ሴማ እትበሃል ንእሽቶ ዓዲ ተቖጻጺሮም" ዝብል ወረ ተባሪዑ ስለዝነበረ እዩ። ዶቼ ቨለ ሬድዮ ነቲ ጸብጻብ ጠቒሱ ከምዘረድኦ፣ ኣብቲ ዶብ ከባቢታት ዓቢ ምንቅስቓስ ሰራዊት እንተሃለወ እውን ክሳብ ሕጂ ዝኾነ ግጭት ከምዘይተፈጠረ ሓቢሩ። ግንባር ቡሬ ኣብ 1998-2000 ኣብ ዝነበረ ውግእ ኢትዮ-ኤርትራ ዓቢ ግጭት ዝካየደሉ ዝነበረ ከባቢታት ምንባሩ ይፍለጥ።