Mootummaan fi Humnoonni Nageenyaa Tigraay magaalonni hedduu to'annoo isaanii jala oolchaniiru

Humnoonni ittisa biyyaa fi humnoonni nageenyaa Tigraay magaalonni murteessoo ta'an to'annoo isaanii jala oolchuu itti fufaniiru. Gabaasoonni akka agarsiisanitti, humnoonni kunneen magaala Adigraat, Adwaa fi Seleklekha to'achuun gara Wukroo Maaraayii fi Aksumitti dhihaachaa jiru. Gama biraatiin, waraanni Eertraa kutaa bahaa fi dhiha Tigraay keessatti qabatee ture gadhiisee ba'aa akka jiru himameera. Jiraattonni fi ijaan argitoonni akka jedhanitti, waraanni Eertraa kan ba'uu jalqaban tarkaanfii humnoota federaalaa fi haleellaa xiyyaara raadaa (drone) iddoo garagaraatti raawwatameen booda dha. Haa ta'u malee, humnoonni Eertraa ammayyuu Gual Badmee fi Sheraaroo keessa jiraachuu himameera. Magaala Zaalaambessatti haleellaa raawwatameen konkolaatonni meeshaa waraanaa fe'an rukutamuu dubbatameera.