ሰራዊት ምክልኻልን ሓይሊ ሰላም ትግራይን ተኸታተልቲ ከተማታት ይቆጻጸሩ ኣለዉ

ሰራዊት ምክልኻል ኢትዮጵያን ሓይሊ ሰላም ትግራይን ኣብ ሰሜን ምዕራብን ምብራቕን ትግራይ ኣገደስቲ ከተማታት ይቆጻጸሩ ኣለዉ። ከም ጸብጻባት ሰራዊት ምክልኻል ዓዲግራት፣ ዓድዋን ሰለኽለኻን ድሕሪ ምቁጽጻሮም ናብ ውቕሮ ማራይን ኣክሱምን ይጽግዑ ኣለዉ። በቲ ካልእ ወገን ወተሃደራት ኤርትራ ካብቶም ኣብ ምብራቕን ምዕራብን ዞባ ትግራይ ሒዞምዎም ዝነበሩ ከባቢታት ይወጹ ከም ዘለዉ ተገሊጹ። ነበርትን ዓይን መሰኻኽርን ከም ዝበልዎ፣ ወተሃደራት ኤርትራ ካብ ከባቢታት ክወጹ ዝጀመሩ ብሰንኪ ስጉምቲ ፈደራልን ኣብቲ ከባቢታት ዝተኻየደ መጥቃዕቲ ድሮንን እዩ። ይኹን እምበር፣ ወተሃደራት ኤርትራ ገና ኣብ ጓል ባድመን ሸራሮን ከም ዘለዉ ተነጊሩ። ኣብ ከባቢ ዛላምበሳ ብዝተኻየደ መጥቃዕቲ ድሮን መኪናታት መሳርያ ዝጸዓና ከም ዝተሃርማ ተገሊጹ።