በ'ፊንቴክ ኢንቨስትመንት' ማጭበርበር የተከሰሱ አርቲስቶችና ቲክቶከሮች ክሱን ካዱ

በ'ፊንቴክ ኢንቨስትመንት' የማጭበርበር ወንጀል የተከሰሱ አርቲስቶችና ቲክቶከሮች በዛሬው ዕለት በፌደራል ከፍተኛ ፍርድ ቤት ቀርበው የቀረበባቸውን ክስ ክደዋል። የልደታ ምድብ ችሎት ተከሳሾቹ በፈጸሙት የወንጀል ድርጊት መከሰሳቸውን ተከትሎ ድርጊቱን አለመፈጸማቸውን በመግለጽ የእምነት ክህደት ቃላቸውን ሰጥተዋል። ተከሳሾቹ ክሱን በመካዳቸው ምክንያት ዐቃቤ ሕግ ማስረጃዎቹን እንደሚያሰማ ገልጿል። ፍርድ ቤቱ የዐቃቤ ሕግ የሰው ምስክሮችን ለመስማት ቀጠሮውን ለህዳር 28፣ 29 እና 30 ቀን 2019 ዓ.ም አሳልፏል። በነዚህ ቀናት ዐቃቤ ሕግ በክስ መዝገቡ ላይ የጠቀሳቸውን 91 የሰው ምስክሮች እንደሚያሰማ ይጠበቃል። ቀደም ሲል ተከሳሾቹ በማህበራዊ ሚዲያ በሰጡት ቃለ ምልልስ ምክንያት የዋስትና መብታቸው እንዲነሳ ጥያቄ ቀርቦ የነበረ ቢሆንም፣ ፍርድ ቤቱ ጥያቄውን ውድቅ በማድረግ መደበኛ ሂደቱን እንዲቀጥል ወስኗል።