ብ'ፊንቴክ ኢንቨስትመንት' ዝተኸሰሱ ስነ-ጥበባውያንን ቲክቶከራትን ክስታቶም ነጺጎም

ብ'ፊንቴክ ኢንቨስትመንት' ገበያ ናይ ምትላል ገበና ዝተኸሰሱ ስነ-ጥበባውያንን ቲክቶከራትን ሎሚ ኣብ ዝቐረቡሉ ናይ ፌደራል ላዕለዋይ ቤት ፍርዲ ዝቐረበሎም ክሲ ነጺጎሞ። እቶም ተኸሰስቲ እቲ ገበን ከምዘይፈጸሙ ብምግላጽ ክሕደት ቃሎም ሂቦም። ተኸሰስቲ ክሶም ብምኽሓዶም ተኸታታሊ ክሲ ዘቕረበ ዓቃቤ ሕጊ ምስክራቱ ከምዘቕርብ ገሊጹ። ቤት ፍርዲ ናይ ዓቃቤ ሕጊ ሰብ ምስክራት ንምስማዕ ንሕዳር 28፣ 29 ከምኡ'ውን 30፣ 2019 ዓ.ም መዓልታት ቀሪቡ ኣሎ። ኣብዘን መዓልታት እተን ዓቃቤ ሕጊ ኣብ ክሲ ዝጠቐሶም 91 ሰብ ምስክራት ከምዝስማዕ ትጽቢት ይግበር። ቅድሚ ሕጂ እቶም ተኸሰስቲ ኣብ ማሕበራዊ ሚዲያ ብዝሃብዎ ቃለ መሕትት ምኽንያት ናይ ዋስትና መሰሎም ክለዓል ዓቃቤ ሕጊ ሓቲቱ ምንባሩ ዝዝከር ኮይኑ፡ ቤት ፍርዲ ግና ነቲ ሕቶ ነጺግዎ እዩ።