ከሽብር ክስ ነጻ የተባለው ካናዳዊው እሱባለው በለጠ ከእስር ተፈታ

የካናዳ ዜግነት ያለው እሱባለው በለጠ፣ ከአንድ ዓመት በላይ በእስር ከቆየ በኋላ በፌደራል ከፍተኛ ፍርድ ቤት በነጻ ተሰናብቷል። እሱባለው በአማራ ክልል ካለው ግጭት ጋር በተያያዘ በሽብር ወንጀል ተጠርጥሮ የነበረ ሲሆን፣ የዐቃቤ ሕግ በቂ ማስረጃ ማቅረብ አለመቻሉን ተከትሎ ነው በችሎቱ የተለቀቀው። እሱባለው ለእስር የተዳረገው በሐሰተኛ ጥቆማ መሆኑን ገልጾ፣ በእስር ላይ በነበረበት ወቅት ሥራውን ማጣቱንና የግል ሕይወቱ መቃወሱን ተናግሯል። ከካናዳው አየር መንገድ በሥራ መባረሩን፣ የቤቱን ዕቃ መወገዱንና የብድር ሁኔታው መበላሸቱን በመግለጽ ሕይወቱን ከዜሮ እንደሚጀምር አስታውቋል። እሱባለው ከእስር ከተፈታ በኋላ ወደ ካናዳ ለመመለስ ዝግጅት እያደረገ ነው።