ካናዳዊ እሱባለው በለጠ ካብ ክሲ ግብረ-ሽብር ንጹህ ኮይኑ ካብ ቤት ማእሰርቲ ተፈቲሑ

ካናዳዊ ዜግነት ዘለዎ እሱባለው በለጠ፣ ልዕሊ ሓደ ዓመት ኣብ ቤት ማእሰርቲ ድሕሪ ምጽናሕ ብፌደራል ላዕለዋይ ቤት ፍርዲ ካብ ክሲ ግብረ-ሽብር ንጹህ ኮይኑ ተፈቲሑ። እሱባለው ምስ ወጥርቲ ኩነታት ክልል ኣምሓራ ተተሓሒዙ፡ ንዕጡቕ ሓይልታት ሎጂስቲክስ ሓገዝ ሂቡ ብዝብል ክሲ ተጠርጢሩ ዝነበረ ኮይኑ፡ ዓቃቢ ሕጊ እኹል መርትዖ ብዘይምቕራቡ ቤት ፍርዲ ብናጻ ክሰናበት ወሲኑ። እሱባለው ብሓሶት ጥቆማ ከምዝተኣሰረ ገሊጹ፡ ኣብ ቤት ማእሰርቲ ከሎ ስርሑ ከምዝሰአነን ሂወቱ ከምዝተበላሸወን ኣረዲኡ። ኣብ ቶሮንቶ ፒርሰን ኤርፖርት ዝሰርሓሉ ዝነበረ ስራሕ ከምዝሰአነን፡ ንብረቱ ከምዝተወገደን፡ ፋይናንሳዊ ኩነታቱ ከምዝተሃሰየን ብምግላጽ፡ ናብ ካናዳ ምስ ተመለሰ ሂወቱ ካብ ባዶ ከምዝጅምር ገሊጹ።