ኮሎኔል ተወልደ ገብረትንሣኤ ከእገታ ማምለጣቸውንና መቐለ መድረሳቸውን አስታወቁ

ኮሎኔል ተወልደ ገብረትንሣኤ ከእገታ ማምለጣቸውን እና ማክሰኞ ጠዋት መቐለ መድረሳቸውን ከዩኤምዲ ሚዲያ ጋር በነበራቸው ቆይታ ገልጸዋል። ከሌተናል ጄኔራል ታደሰ ወረደ ጋር በኤርትራ ድንበር አቅራቢያ በምትገኘው ራማ ታግተው እንደነበር ያስታወሱት ኮሎኔሉ፣ ማምለጥ የቻሉት እሁድ ጥቅምት 1 ማታ በተቀየሰ እቅድ እና ሰኞ ጥቅምት 2 ጠዋት በተፈጸመ ተግባር እንደሆነ አስረድተዋል።

ለማምለጥ የረዳቸው የጠባቂዎች፣ የሹፌሮች እና የራማ ወረዳ አስተዳደር አባላት ትብብር ወሳኝ እንደነበር ጠቁመዋል። ኮሎኔል ተወልደ ወደ መቐለ የገቡት ለብቻቸው ሲቪል መስለው እንደሆነና ከሌተናል ጄኔራል ታደሰ ወረደ እና ሌሎች ባልደረቦቻቸው በተናጠል እንደገቡ አብራርተዋል።