አቶ ጌታቸው ረዳ ከአውሮፓ ህብረት ልዑካን ጋር ተወያዩ

የጠቅላይ ሚኒስትሩ የምስራቅ አፍሪካ ጉዳዮች አማካሪ አቶ ጌታቸው ረዳ፣ ከአውሮፓ ህብረት የአፍሪካ ቀንድ ልዩ መልእክተኛ አኔት ወበር እና በኢትዮጵያ የአውሮፓ ህብረት አምባሳደር ሶፊ ጋር በወቅታዊ ቀጠናዊ ጉዳዮች ላይ ተወያይተዋል። በውይይቱ ላይ በትግራይ፣ ኤርትራ እና ሱዳን ወቅታዊ ሁኔታዎች ላይ ግልጽ የሃሳብ ልውውጥ ተደርጓል።

አቶ ጌታቸው በአስመራ ያለው አገዛዝ እና ደጋፊዎቹ ቀጠናውን ለማወክ የሚያደርጉትን እንቅስቃሴ የገለጹ ሲሆን፣ ይህንን በጊዜው ለማስቆም እርምጃ ካልተወሰደ አስከፊ መዘዝ ሊከተል እንደሚችል አስጠንቅቀዋል። ሁለቱ ወገኖች ውጥረትን ለመቀነስ መረጃ በመለዋወጥ እና በቅንጅት ለመስራት ተስማምተዋል።