ኣቶ ጌታቸው ረዳ ምስ ልኡኽ ሕብረት ኣውሮፓ ተመያይጦም

ኣማኻሪ ቀዳማይ ሚኒስትር ጉዳያት ቀርኒ ኣፍሪካ ኣቶ ጌታቸው ረዳ፡ ምስ ፍሉይ ልኡኽ ሕብረት ኣውሮፓ ንቀርኒ ኣፍሪካ ኣኔት ወበርን ኣምባሳደር ሕብረት ኣውሮፓ ኣብ ኢትዮጵያ ሶፊን ኣብ እዋናዊ ጉዳያት ከባቢና ተመያይጦም። ኣብቲ ዘተ ኣብ ትግራይ፡ ኤርትራን ሱዳንን ዘሎ እዋናዊ ኩነታት ግሉጽ ናይ ሓሳብ ልውውጥ ተገይሩ።

ኣቶ ጌታቸው እቲ ኣብ ኣስመራ ዘሎ ስርዓትን ደገፍቱን ከባቢና ንምህዋኽ ዝገብርዎ ዘለዉ ምንቅስቓስ ኣስሚሮምሉ። ነዚ ብግቡእ ንምቁጽጻር ስጉምቲ እንተዘይተወሲዱ ከቢድ ሳዕቤን ከምዘስዕብ ኣጠንቂቖም። ክልቲኦም ወገናት ውጥረት ንምቅላል ሓበሬታ ብምልውዋጥ ብምትሕብባር ንምስራሕ ተሰማሚዖም።