Saudi Arabiyaan murtee du'aa lammii Siiriilaankaa irratti dabarsite haqxe

Mana murtii olaanaa Sa'udii Arabiyaa lammii Siiriilaankaa kan umuriin isaa waggaa 27 ta'e, Anojan Sivarasa irratti murtee du'aa dabarfame haqee jira. Sivarasa kan adabame ergaa Facebook irratti barreesseen 'Islaamummaa fi Ergamaa Muhammad arrabsiteetta' himata jedhuuni. Ministir Deetaan dhimma alaa Siiriilaankaa Arun Hemachandra akka ibsanitti, murteen kun kan dhufe carraaqqii dippilomaasii biyyoota lamaan gidduutti godhameen dha. Sivarasa qeeqa erga barreessen booda battaluma sanatti ergaa isaa haquu fi dhiifama gaafachuu ibsus, himatni isaa gara du'aatti geessee ture. Yeroo ammaa murteen du'aa irraa ka'us, hidhaa keessa akka turuufi adabbiin biraa eeggatu ibsameera.