ጠ/ሚ ዐቢይ አሕመድ ከአሜሪካ የውጭ ጉዳይ ሚኒስትር ማርኮ ሩቢዮ ጋር በስልክ ተወያዩ

ጠቅላይ ሚኒስትር ዐቢይ አሕመድ ከአሜሪካ የውጭ ጉዳይ ሚኒስትር ማርኮ ሩቢዮ ጋር በስልክ ተወያይተዋል። ውይይቱ በሁለትዮሽ፣ በቀጣናዊ እና በባለብዙ ወገን ጉዳዮች ላይ ያተኮረ ሲሆን ጠቅላይ ሚኒስትሩ ውይይቱን "እጅግ ፍሬያማ" ሲሉ ገልጸውታል። በኢትዮጵያና በአሜሪካ መካከል ያለውን የቆየ ወዳጅነት ወደ ላቀ ስትራቴጂካዊ አጋርነት ለማሳደግ ሁለቱም ወገኖች ቁርጠኝነታቸውን አረጋግጠዋል። አሜሪካ ለኢትዮጵያ የምታደርገውን ቀጣይነት ያለው ድጋፍ ማረጋገጧን የጠቀሱት ጠቅላይ ሚኒስትሩ፣ ይህም ለሁለቱ አገራት ያለው ፋይዳ ከፍተኛ እንደሆነ ገልጸዋል። በቀጣይም በሁለትዮሽ ትብብር እንዲሁም በጋራ ቀጣናዊ ጉዳዮች ላይ በቅርበት ለመሥራት ስምምነት ላይ ተደርሷል።