ቀዳማይ ሚኒስተር ኣብዪ ኣሕመድ ምስ ናይ ኣሜሪካ ወጻኢ ጉዳያት ሚኒስተር ማርኮ ሩቢዮ ብተሌፎን ተዘራሪቦም

ቀዳማይ ሚኒስተር ኣብዪ ኣሕመድ ምስ ናይ ኣሜሪካ ወጻኢ ጉዳያት ሚኒስተር ማርኮ ሩቢዮ ብተሌፎን ተዘራሪቦም። እቲ ዝርርብ ኣብ ክልተኣዊ፡ ከባቢያዊ ከምኡውን ብዙሕ ወገን ዝሓቖፈ ጉዳያት ዘተኮረ ኮይኑ፡ ቀዳማይ ሚኒስተር እቲ ዝርርብ "ኣዝዩ ፍርያም" ከምዝነበረ ገሊጾም። ክልቲአን ሃገራት ነቲ ነዊሕ ዘመናት ዘቑጸረ ዓርክነተን ናብ ዝለዓለ ስትራቴጂያዊ መሻርኽቲ ንምዕባይ ዘለወን ጽኑዕ ድሌት ኣረጋጊጸን ኣለዋ። ኣሜሪካ ንኢትዮጵያ እትገብሮ ቀጻሊ ሓገዝ ከምተረጋግጽ ዝገለጹ ቀዳማይ ሚኒስተር፡ ነዚ ሓገዝ ኣመስጊኖም። ኣብ መጻኢ ውን ኣብ ክልተኣዊ ምትሕብባርን ከባቢያዊ ጉዳያትን ብሓባር ንምስራሕ ተሰማሚዖም ኣለዉ።