KEFI hojii projakti warqee Tulluu Qaampii deebisee jalqabe

Dhaabbanni 'KEFI Gold and Copper' jedhamu, pirojektii warqee Tulluu Qaampii naannoo Oromiyaatti gaggeessaa ture hojii deebisee jalqabuu isaa beeksise. Dhaabbatichi kanaan dura rakkoolee nageenyaa mudataniin hojii dhaabee ture. Furmaata rakkoo nageenyaa hordofee, hawaasa naannoo, aanga'oota federaalaafi naannoo Oromiyaa waliin mari'achuun walii galtee irra ga'ameera. Mariin kun faayidaa hawaasaa, carraa hojii, nageenyaafi eegumsa bakka hojii irratti xiyyeeffateera. Yeroo ammaa hojiin sadarkaan kan jalqabamu yoo ta'u, jalqaba irratti diriirsa daandii fi ibsaa, ittaansuunis kaffaltii beenyaa fi qubsuma namoota buqqa'anii kan raawwatamu ta'a. Pirojektichi guutummaatti yeroo hojii jalqabu, namoota 1,000 ol ta'aniif carraa hojii kan uumu ta'a.