ኬፊ ኣብ ፕሮጀክት ወርቂ ቱሉ ካፒ ንጥፈታቱ እንደገና ጀሚሩ

ኩባንያ ኬፊ ጎልድ ኤንድ ኮፐር ኣብ ክልል ኦሮሚያ ኣብ ቱሉ ካፒ ዘካይዶ ዝነበረ ፕሮጀክት ማዕድን ወርቂ እንደገና ምጅማሩ ኣፍሊጡ። እቲ ኩባንያ ቅድሚ ሕጂ ብሰንኪ ጸገማት ጸጥታ ስርሑ ኣቋሪጹ ጸኒሑ ነይሩ። እቲ ጸገም ብምፍታሑ ድማ ምስ ማሕበረሰብ ከባቢ፣ ምስ በዓል ስልጣን ፈደራልን ክልልን ብምዝርራብ ስምምዕ ተበጺሑ። እቲ ዘተ ኣብ ጥቕሚ ማሕበረሰብ፣ ፍጠር ዕድል ስራሕ፣ ጸጥታን ድሕንነት ቦታ ስራሕን ዘተኮረ እዩ ነይሩ። ሕጂ ኣብ ምጅማር ንጥፈታት ዘሎ ፕሮጀክት፣ ኣብ ቀዳማይ መድረኽ መገዲን መብራህትን ናይ ምውዳብ፣ ብተወሳኺ ካሕሳ ተመዛበልቲ ናይ ምኽፋልን መዓስከር ናይ ምትካልን ስራሕቲ ክከናወን እዩ። እቲ ፕሮጀክት ሙሉእ ብሙሉእ ናብ ምህርቲ ምስ ኣተወ ን1,000 ዝኾኑ ሰባት ዕድል ስራሕ ክፈጥር ምዃኑ ተገሊጹ።