የአዲስ ዌስት የኃይል ማከፋፈያ ጣቢያ የኤሌክትሪክ አገልግሎት ሙሉ በሙሉ ተመለሰ

የኢትዮጵያ ኤሌክትሪክ አገልግሎት በአዲስ ዌስት የኃይል ማከፋፈያ ጣቢያ አጋጥሞ የነበረው የትራንስፎርመር ብልሽት ተስተካክሎ የኃይል አቅርቦት ሙሉ በሙሉ መመለሱን አስታውቋል። ብልሽቱ ከተጠገነ በኋላ ጥቅምት 5 ቀን 2019 ዓ.ም ከጠዋቱ 3፡00 ሰዓት ጀምሮ የኤሌክትሪክ ኃይል ለአካባቢው ነዋሪዎችና ተጠቃሚዎች ተመልሷል። ጥገናው የተከናወነው የኢትዮጵያ ኤሌክትሪክ ኃይል እና የኢትዮጵያ ኤሌክትሪክ አገልግሎት የቴክኒክ ባለሙያዎች ባደረጉት ጥረት ነው። የኃይል መቆራረጥ አጋጥሟቸው የነበሩ እንደ ኮልፌ፣ ጦር ኃይሎች፣ ቤተል፣ መንዲዳ እና ሌሎች አካባቢዎች አገልግሎት ማግኘት ጀምረዋል። አገልግሎቱ ለደንበኞች ላሳዩት ትዕግስት ምስጋና አቅርቦ ለተፈጠረው መስተጓጎል ይቅርታ ጠይቋል።