UNICEF fi ICRC naannolee Tigraay fi Amaaraaf gargaarsa namoomaa geessan

Dhaabbanni gargaarsa ijoollee (UNICEF) qorichoota barbaachisoo, nyaata madaalawaa fi meeshaalee barnootaa magaalaa Maqalee gahuu isaa beeksiseera. Gama biraatiin, Komiteen Masqala Diimaa Idil-addunyaa (ICRC) qindoomina Itoophiyaa waliin ta'uun, konkolaattota fe'umsaa torba guutuu meeshaalee fayyaa lubbuu baraaran naannoo Tigraayitti qaqqabsiiseera. Meeshaaleen kunneen dhaabbilee fayyaa naannichaa keessatti tajaajilaaf ooluu isaanii ibsameera. Kana malees, Komiteen Masqala Diimaa naannoo Amaaraatti hospitaalota Laalibelaa fi Saqooxaa, akkasumas buufataalee fayyaa Kurbaa fi Kulmeskiif deeggarsa meeshaalee fayyaa taasiseera. Gargaarsi kun kan dhiyaate onkoloolessa 5 bara 2019ti.