ዩኒሴፍን ቀይ መስቀልን ኣብ ትግራይን ኣምሓራን ሰብኣዊ ሓገዝ ኣረኪቦም

ዩኒሴፍ ኣድለይቲ መድሃኒታትን መግቢን ከምኡ እውን ናውቲ ትምህርትን ናብ ከተማ መቐለ ከምዝኣተወን ንተጎዳእቲ ስድራቤታት ክባጻሕ ምዃኑን ኣፍሊጡ። ብተመሳሳሊ መገዲ፡ ዓለምለኻዊ ኮሚቴ ቀይሕ መስቀል (ICRC) ምስ ማሕበር ቀይሕ መስቀል ኢትዮጵያ ብምትሕብባር፡ ሸውዓተ ናይ ጽዕነት መካይን ዝተጻዕነ ናውቲ ሕክምና ናብ መቐለ ከምዘብጽሐ ገሊጹ። እቲ ናውቲ ሕክምና ኣብ ክልል ትግራይ ንዝርከቡ ትካላት ጥዕና ውዒሉ ኣሎ። ብተወሳኺ፡ እቲ ኮሚቴ ኣብ ክልል ኣምሓራ ኣብ ዝርከቡ ሆስፒታላት ላሊበላን ሰቆጣን ከምኡ እውን ንማእከላት ጥዕና ኩርባን ኩልመስክን ሓገዝ ናውቲ ሕክምና ኣበርኪቱ። እዚ ሓገዝ ጥቅምቲ 5 2019 ዓ/ም ከምዝተፈጸመ ተገሊጹ።