UN fi Masqala Diimaa gargaarsa namoomaa naannolee Tigraay fi Amaaraaf geessan

Dhaabbanni gargaarsa ijoollee kan Tokkummaa Mootummootaa (UNICEF) qorichoota, nyaata madaalawaa fi meeshaalee barnootaa gara magaalaa Maqaleetti erguu isaa beeksiseera. Gargaarri kun maatiiwwan waraanaan miidhamanif kan qophaa'e ta'uu ibsameera. Haaluma wal fakkaatuun, Komiteen Masqala Diimaa Idil-addunyaa (ICRC) waliigaltee Masqala Diimaa Itoophiyaa waliin ta'uun, konkolaattota fe'umsaa torba kan guutuu meeshaalee fayyaa lubbuu baraaran gara Maqaleetti ergeera. Kana malees, Komiteen Masqala Diimaa aanaalee naannoo Amaaraa kanneen akka Lalibelaa fi Saqoxaa keessatti, akkasumas buufataalee fayyaa Kurbaa fi Kulmeskif meeshaalee fayyaa barbaachisaa ta'an gumaacheera.