ዶ/ር ሽሻይ አማረ የመቐለ ከተማ ከንቲባ ሆነው መሾማቸው ተገለጸ

ዶ/ር ሽሻይ አማረ በትግራይ ባለአደራ አስተዳደር የመቐለ ከተማ ከንቲባ ሆነው መሾማቸው ተገለጸ። ከንቲባው በቀጣይ የትኩረት አቅጣጫቸው የመቐለን ሰላም ማስጠበቅ፣ ሰብዓዊ ድጋፍ ማድረስ እና ማኅበራዊ-ኢኮኖሚያዊ አገልግሎቶችን መስጠት እንደሚሆን አስታውቀዋል። በተጨማሪም የፌዴራል መንግሥት በከተማዋ የኮሪደር ልማት ለመገንባት ቃል እንደገባ ገልጸው፣ የኮሪደር ልማቱን ለማስፈጸም ቃል ገብተዋል። ዶ/ር ሽሻይ በኢትዮጵያ ፌዴራል መንግሥት የተሰጣቸውን ይህንን ኃላፊነት እንደጋራ አደራ በመውሰድ ከሕዝብ ጋር እንደሚሠሩ ገልጸዋል። ከንቲባው ከዚህ ቀደም የትግራይ ትምህርት ቢሮ ኃላፊ ሆነው የሠሩ ሲሆን፣ በቅርቡ ከተመሠረተው የትግራይ ስምረት ፓርቲ አመራሮች አንዱ ናቸው።