በፈረንሳይ የኑሮ ውድነት ተቃውሞ ወደ ሁከት ተቀየረ

በፈረንሳይ የኑሮ ውድነት እና የመንግስት አገልግሎቶች መጓደልን በመቃወም በፓሪስ እና በሌሎች ከተሞች የተደረጉ ሰልፎች ወደ ከባድ ሁከት ተቀይረዋል። ተቃዋሚዎች የተለያዩ ተሽከርካሪዎችን እና ህንፃዎችን በእሳት ያቃጠሉ ሲሆን፣ በርካታ ዓለም አቀፍ የንግድ መደብሮችም ተዘርፈዋል።

በተለይም በሊሞዥ ከተማ ከ140 ዓመት በላይ እድሜ ያለው ታሪካዊ ህንፃ ሙሉ በሙሉ መውደሙ ተዘግቧል። የፈረንሳይ ፕሬዚዳንት ኢማኑኤል ማክሮን ሁከቱን አውግዘው፣ በፈረንሳይ ለሁከት ቦታ እንደሌለ አስታውቀዋል። ንብረት ያወደሙ እና የዘረፉ አካላት በህግ እንደሚጠየቁ ፕሬዚዳንቱ አረጋግጠዋል።