ኣብ ፈረንሳይ ዝተላዕለ ናይ መነባብሮ ዋጋ ተቃውሞ ናብ ዓመፅ ተቐይሩ

ኣብ ፈረንሳይ ናይ መነባብሮ ዋጋ ምውሳኹን ናይ መንግስቲ ኣገልግሎታት ምሽማምን ብምቅዋም ኣብ ፓሪስን ካልኦት ከተማታትን ዝተኻየደ ሰልፊ ናብ ከቢድ ዓመፅ ተቐይሩ። ተቃወምቲ ዝተፈላለዩ መካይንን ህንፃታትን ብሓዊ ዘቃጸሉ ክኸውን ከሎ፡ ብዙሓት ዓለምለኻዊ ትካላት ንግዲ ተዘሚቶም።

ብፍላይ ኣብ ከተማ ሊሞዥ ልዕሊ 140 ዓመት ዝገበረ ታሪኻዊ ህንፃ ብምሉኡ ብሓዊ ከም ዝነደደ ተገሊጹ። ፕረዚደንት ፈረንሳይ ኢማኑኤል ማክሮን ነቲ ዕግርግር ብምኹናን ኣብ ፈረንሳይ ንዕግርግር ቦታ የለን ኢሎም። ንብረት ዘዕነዉን ትካላት ንግዲ ዝዘረፉን ኣካላት ተለልዮም ኣብ ሕጊ ከም ዝቐርቡ ፕረዚደንት ኣረጋጊጾም።